梅艷芳嘅媽咪覃美金多年嚟成日都話要追討番個女啲遺產，搞咗唔少是非出嚟，噚晚佢接受now觀星台王賢誌嘅訪問。由梅姐死後到現今，梅媽矛頭一直指向阿梅摯友劉培基，講到呢8年漫長嘅糾紛，梅媽喺節目中一再話唔忿氣、唔甘心，爭產官司敗訴令梅媽好氣憤，但喺香港已經冇地方可申訴，唔怪得梅媽聲言要告到上北京。