【本報訊】記者昨午致電梁定華，他一聽記者表明身份即掛線，隔一分鐘後才回電，稱此舉是尊重記者，惟對婚外情一事，他直言：「一頭霧水，唔知你講乜。」又稱事件涉私隱，「你哋追唐英年好過啦！」談及其妻被指瘋狂滋擾情敵，梁說：「如果關我太太事，咁你叫佢去死啦。寃有頭債有主，JessicaC.（涉嫌）偷嘢關佢父母乜事！」
梁妻：班女人不道德
記者之後到訪梁的寓所，開門的梁太說：「如果我冇做過，咁係佢哋屈我；如果我有，都係佢哋搞我先！無論點，我都係最終極嘅受害者！點解你哋仲要嚟逼迫我？」惟她堅拒回答有否以電郵騷擾Eva：「有定冇唔係由你哋判斷！」她更堅稱不認識Eva，並苦笑道：「我知佢哋電話的話，一早阻止咗我老公啦！」梁太略顯激動，反覆強調自己是受害者：「點解問我？你應該問吓班女人，點解要搞一個有婦之夫？無論邊個追邊個，都係不道德！」
此時梁定華突然撲出，一開口便道：「我叫個仔千祈唔好讀傳理，我好討厭記者，請回！」梁更反問記者：「我都想訪問吓你，你答咗我噚晚有冇同老婆做愛先啦！」他更連珠炮發追問記者：「我都想知你性取向呀！噚晚用乜方法做愛呀？」又說：「我話你知，我每日都去揼骨，每日叫雞呀！你哋傳媒成日都報負面新聞！唔好希望喺我身上攞到料！」記者最後被保安員驅趕離開。