「有錢賺唔通唔賺咩！易賺錢、又冇乜風險，仲可以賺埋信用卡積分，換機票或者現金回贈，一舉兩得！」在早前炒賣iPhone4熱潮中已狂賺數萬元的青年，近日得悉iPhone4仍有價有巿，「食過翻尋味」，再到中環蘋果店排隊買iPhone4，不消兩小時，又穩袋1,000元。
現金回贈近200元
自稱姓蕭的青年指，他上周五下午2時許到中環蘋果店排隊，「嗰時有300幾人，排咗兩個鐘，好彩最後嗰5部畀我買到！」他續稱，上周旺角先達的收機價略低，16GB只收4,850元，賣5部共賺810元，「不過加埋信用卡現金回贈，賺咗1,000蚊！」可謂雙重獲利賺到盡。不過，即使目前先達收機價再次提高，他表示不會再排隊入貨轉售圖利，「成千人就唔排喇」。《蘋果》記者