古巨基「AmazingWorld世界巡迴演唱會2011香港站」前晚演出完畢，被fans數度逼婚的基仔，雖然仍表示世界未末日才會考慮結婚，但他在台上公開多謝緋聞助手女友Lorraine，二人戀情似乎已浮面。
古巨基前晚在紅館舉行尾場「AmazingWorld世界巡迴演唱會2011香港站」，一如過往，他在台上與警鐘胸公主JessicaC.繼續咀，艷福無邊，及後基仔在台上多謝周慧敏，他說：「呢個觀眾陪我綵排到凌晨，就係Vivian（周慧敏）同Joe哥（倪震），佢哋對我好好，當咗我係屋企人。」
Fans猛起哄
雖然基仔的緋聞助手女友Lorraine仍然全晚未見蹤影，但基仔就猛被fans起哄叫他結婚，他扮作認真表示已經預備好律師和牧師，眼見台下再度起哄，基仔才笑稱只是開玩笑。直到演唱會謝幕，基仔終於公開答謝Lorraine，他說：「點呀，又嚟喇？Lorraine好紅咩？等我簽咗佢出唱片。不過我要多謝台底好多人，當然包括Lorraine喇！」最後基仔二度安哥，唱了《愛得太遲》和《愛的解釋》，離開前更跪下多謝大家支持。
在慶功宴上仍然未見Lorraine蹤影，基仔說：「佢喺度忙緊，仲要幫手處理啲嘢。佢咁紅，真係吸納咗我好多fans，不過佢唱歌冇我咁好聽，仲有進步嘅空間。」
「世界未末日」
談到結婚問題，基仔一貫避忌作風，只說：「世界未末日先會考慮結婚。」至於Lorraine是否背後支持他的女人？他說：「係低調女人，冇公開，演唱會完咗，而且我又好攰，休息吓先喇。」
採訪：卓寶花
攝影：黃文偉