【本報訊】撳錢唔記得攞錢，引人犯罪。警方表示，去年共有1,291宗巿民報稱在自動櫃員機遺下現金遭竊，今年頭六個月亦有695宗，較去年同期的615宗，上升13%，平均每日有3.7個「失魂魚」失款。
警員加強巡邏重災區
據悉，警方早前透過電腦分析，發現失魂魚較多地區是港鐵沿線及接近車站的自動櫃員機，其中旺角東、大圍港鐵站、中環畢打街一帶、灣仔軒尼詩道與菲林明道交界是重災區。警方相信偷款者除順手牽羊巿民外，亦有守株待兔等「執死雞」的道友，故特別派員加強在重災區巡邏。
現時本港各銀行的自動櫃員機大多有保安設定，一般顧客提款後在30至40秒內若未有取款，現金會自動縮回櫃員機內，大部份櫃員機有「嗶、嗶」聲響提示。但政府並無制訂自動櫃員機設計標準，包括未取款收回時限，提示聲響等。有巿民表示收回時限太長，容易惹人犯罪。
銀行業僱員協會副總幹事譚建新表示，若有巿民撳錢後忘記取款，本港部份銀行會承擔責任：「銀行櫃員機有閉路電視，只要顧客清楚講出失款地點、時間，若與錄影資料脗合，銀行會賠償失款，但唔係間間銀行肯咁做。」