英格蘭前鋒朗尼喺對黑山嘅歐國外領紅，周四就會知要停幾多場，但日前英格蘭領隊卡比路就出嚟兇朗尼，話可能整個2012年歐國盃決賽周都唔畀佢踢正選。卡比路指，朗尼領紅後起碼喺決賽周要停1場，甚至乎係2、3場，為咗球隊喺呢個賽事嘅前途，卡比路喺跟住嘅兩場友賽都唔打算選召朗尼，佢仲靠嚇話：「如果英格蘭試陣成功，朗尼要入返正選11人唔容易。」