開心飛起：鑽油台chok扮郵輪　十米跳海無限潛

所謂循環再用，亦可理解為「廢物利用」。今次講嘅係一個鑽油台的生命，佢服役於新加坡海域二十五年後，因期限到需要停工，被商人收購後輾轉駛到詩巴丹一帶，今日已chok變為遠睇十足郵輪的潛水旅館。

記者、攝影：徐影珊
鳴謝：XpertHolidays、Roxy

變色變性變用途

■這座色彩繽紛的巨物，曾經是海上的鑽油台，如今已變身旅館。

十五年前，初來詩巴丹海域時，潛水未算大流行，價錢昂貴，於是將平台改造成為釣魚台，顏色灰灰沉沉，鑽油台主人有感太過單調，幫佢塗上藍色。這個時期已經有客房，客房像簡單的船艙房。近五、六年潛水resort激增，釣魚台又再變，變為潛水旅館，兼提供非常具規模的潛水學校，客房設於二三四樓，總數25間，下層平台屬於潛水站，設有餐廳，上層鑽油台的甲板，即以往的煙囪之處現在是潛水員休息曬太陽的平台。穿梭在這龐大的鑽油台上，感覺像身處巨型郵輪，總是在高處行走，有種居高臨下的震撼。
往年，主人又為藍色的身體塗成彩色，改變性格用途，改頭換面，深受尋找特別體驗的潛友歡迎，而佢更提供免費任潛住宿，不少crazy住客會在升降台跳水，退潮時有成10米高，你敢唔敢跳先？

■嘩，雖然係改頭換面，但後方的孖煙囪明顯地述說佢身世的秘密。

■趙碩之話齋，潛水最緊要揀靚地方，嚟詩巴丹包保唔失望。

■較大的VIP客房，是普通房的兩倍。

■一班潛水員及員工閒時坐在一角休息。

a）SeaventuresRigResort

地址：（office）4thFloor,Rm422-424,WismaSabah,88300,KotaKinabalu,Sabah
房價：潛水員每晚約$1,338起，非潛水員約$1,071起。在鑽油台下潛水免費，裝備租用每天$243/全套。
網址： http://www.seaventuresdive.com

　
斗湖三寶　榴槤甘甜

要去詩巴丹，基本上要駁船，必經斗湖，因此，小住一晚斗湖，當是中途驛站也不錯，並可一嚐斗湖三寶。其中一寶是愛「臭」味者不可抵抗的榴槤，馬來西亞的果王是極品「貓山王」榴槤，斗湖間中有售，但退而求其次，還有編號21及24的本地出品，編號是農業部批發，識貨人士一講就知。我們叫了個21號，我這不好榴槤者竟然覺得唔太臭，吃幾口，咦，真係好味喎，甘甜回香，軟滑唔多汁但有煙熏味，味道特別討好。然後再試埋桔仔水，桔仔是平日飲的甜甘桔，不過香甜得多。