neoV玩人體曲線　睇晒全景

neoV玩人體曲線　睇晒全景

當iPhone5希望落空，iPhone4GS又無乜驚喜，唔少手機玩家紛紛密謀搵新機換。SonyEricsson最近新機密密出，最新嘅XperianeoV，算係最多嘢玩，除採用人體曲線設計、充滿線條美外，仲有埋SONY3D一掃全景，浮凸都可以一眼睇晒！

記者：許福合　
攝影：劉永發　
Model：Paris@PureModels
查詢：SonyEricsson（82038863）

啱晒手形

neoV可說是neo的升級版，新機到手，第一個觀感就係輕薄滿足晒，13mm厚的機身雖然唔算最薄，但在使用人體曲線設計的機身上，手感特別好，啱晒手形。其次就係3.7吋MobileBRAVIAEngine屏幕，解像度去到854×480，圖文顯示都特別清楚，尤其係字體，勾畫筆迹都好銳利，而且因為光度充足，所以即使烈日當空，都仍然睇得清楚，而且顏色無過份調校，接近原色，顯示效果認真唔錯。雖然有個靚芒，但相機只有500萬像素，同DC比就有啲輸蝕，但人臉對焦、自動對焦都有齊，亦有16倍數碼變焦，而相片Sizes細，上傳分享都更快完成。

$2,598

■機身會有白、藍、紅三種顏色可以揀。

■屏幕畫質唔錯，但鏡頭只有500萬像素。

■機側相機鍵可啟動相機，亦可當快門鍵。

■13mm薄身，加上使用人體曲線設計。

■不用關機拆電就可更換microSD卡。

反應靈敏

系統方面會使用Android2.3.4，用上1GHz處理器，雖然唔係雙核，不過在操作上亦唔覺慢，介面反應都相當靈敏。除咗Android本身提供多項服務外，仲加入SONY獨有3D一掃全景，只要將手機由左至右一掃，就可得到一張全景相片，而且仲可選擇有3D立體效果，最啱影團體大合照，一定夠「Wide」影晒，唯一限制就係3D效果要上番3D電視才睇到。另外，neoV還支援xLOUD音效，播放音樂時，音量同音質都會有所提升，《facebookinsideXperia》更提升至2.0版，更直接容易地「讚」、分享及查看fb內容，再加上其他貼心設計，如螢幕截圖及Gestureinput滑動輸入法等，在2千多元的Android手機中，neoV都係一部相當好嘅選擇。

■雖然唔係雙核機，但速度都可接受。

■經HDMI介面可駁電視睇3D全景相。

■3D全景攝影可拍攝多層次立體相片。

■圖庫內專門設有一頁用作顯示3D相片。

試玩neoV

Asphalt5滙入慢
與iOS版比較，在neoV上玩《Asphalt5》，Loading會較花時間，而入Game後分別不大。

高清片流暢
播放高清影片非常流暢，顏色銳利，尤其係紅橙色，效果更鮮。

xLoud聽歌大聲
在使用xLOUD經耳機聽歌時，音量會大很多，但高音會變得較尖。

Flash睇片
內置有Flash，上網睇Flash影片，完全無問題。

試相

■整體都不俗，但在較光的位置，會無晒Details。

■全景相接駁得好靚，有如使用超廣角鏡頭拍攝。

系統：GoogleAndroid2.3.4
處理器：1GHzQualcommSnapdragon
屏幕：3.7吋
記憶：320MB＋2GBMicroSD
通話時間：7小時
顏色：白、藍、紅
體積：116×57×13mm
重量：126g

同場加映：Xperiapro打字快

對於經常要處理文件的用家，有鍵盤絕對會方便好多，SE最近仲出咗一部Xperiapro，係首部Android2.3.4手機備有SmartQWERTY鍵盤，同樣使用人體曲線設計機身，即使加上側滑式鍵盤，厚度都只係13.6mm，而早前更有機構進行過測試，Xperiapro成為輸入速度最快及最準確的智能手機，機身有紅色及黑色兩種。

$3,298