效力拿玻里嘅前鋒卡雲尼嗰頭飛咗返烏拉圭踢世盃外，佢屋企就俾人爆格！賊仔似乎知卡雲尼呢幾日唔喺意大利，趁機做嘢。之後有鄰居發現唔對路去報警。事後意大利警方通知遠在南美嘅卡雲尼，據報唔見咗啲金器同名牌衫，仲有佢儲落嘅波衫。呢位射手上個禮拜返去為國效命仲有入波，幫烏拉圭贏玻利維亞4:2，點知轉頭就俾人偷嘢，真黑仔！