啱啱加盟阿仙奴嘅朴主永要服兵役！按南韓法例規定，朴主永滿30歲前，要服21個月兵役，否則坐監，甚至被流放。家26歲嘅朴主永要喺未來兩三年離開阿仙奴，佢話：「我預咗會離開歐洲兩年。我返到去都會踢波，但係代表某支軍隊嘅球隊。我知返咗去之後就好難返嚟踢波。」同為南韓仔，但曼聯嘅朴智星就可以免役，因為南韓喺02世盃表現出色，所以政府免除當時一班國腳嘅兵役。