黃奕、鄭嘉穎、杜宇航、陳嘉桓同黃又南前日喺北京出席新戲《競雄女俠．秋瑾》首映，黃奕飾演秋瑾，甘願放下富裕生活搞革命，現實中嘅佢就話唔排斥富二代做對象，佢話：「選不選富二代不是重點，重點要看思想能不能一致。」黃奕同鄭嘉穎喺戲入面有多場對手戲，結果成為老友，兩人喺活動上有講有笑，十足小夫妻。