陳茵媺、張可頤、徐子珊和吳卓羲昨日接受新城訪問，宣傳無綫台慶劇《法證先鋒III》，前日首播該劇18分鐘預告片，陳茵媺說：「我睇咗覺得自己好有型，比想像中英偉，同埋我鍾意聽祥仔（黎耀祥）同吳卓羲唱嘅主題曲。」
黎耀祥紅館開騷
問陳茵媺會否叫陳豪看新劇，她甜笑說：「唔會刻意叫，但都想佢睇吓，想佢畀多啲工作上嘅意見。」最近廖碧兒助手指陳豪不是好人，陳茵媺說：「唔關自己事，唔回應喇！」
黎耀祥昨日接受商台訪問，談到視帝心水，他指黃宗澤、鄭嘉穎、林峯和謝天華表現不相伯仲，他又自爆獲張耀榮斟洽在紅館開騷，現雙方研究當中。
另外，電台數碼廣播引發電台戰，新城找家燕姐主持新節目打仗，首播即找來《法證III》一班演員助陣，問到可會找男友任嘉賓刺激收聽率？家燕姐說：「其中有個環節係『家燕傾心星』，可以平時同佢傾電話錄一段出嚟播。」
採訪、攝影：王連連、譚倩宜