王菀之首個紅館個唱月尾舉行，佢連日閉關綵排練舞、練氣同練聲，經過訓練之後，王菀之狀態越戰越勇。噚日王菀之喺九展綵排，講到因為要着高踭鞋排舞，搞到膝頭腫脹，佢苦笑話：「我嘅膝頭係長期腫，所以平時都唔夠腳骨力，我唔想喺台上跳跳吓跌低，所以會做多啲針灸。」另外佢心臟少咗一片心葉，佢笑話係史上首個有心臟病嘅人喺紅館演出。