賭王三姨太陳婉珍昨日以東華副主席身份到迪士尼出席活動，提到準女婿陳山聰與其契姐伍詠薇的絕交是非，三太猶豫兩秒指山聰人品OK，信得過女兒眼光。同場的蔡一傑則力撐「愛人」伍詠薇率直，大把人愛錫，支持她絕交。
賭王三姨太陳婉珍、草蜢三子、港姐冠軍朱晨麗等，昨日早上齊齊現身迪士尼欣澳，出席東華三院慶祝廣華醫院100周年的慈善活動。三姨太陳婉珍以東華副主席身份，與助手Sandy前來，雖未見女兒超雲相伴，但昨日早上7時半，超雲上載微博透露為母親負責髮型和化妝等，還笑言：「肥媽加油，支持你。」
「由佢自己處理」
問三太對於超雲男友陳山聰近日與伍詠薇絕交等新聞有何看法，三太說：「冇乜點睇法，我唔識點講，每個人嘅行為，報道可能有啲誇張咗，睇人唔係睇呢啲。」覺得陳山聰人品如何？三太猶豫了兩秒才回答：「OK。」對於陳山聰公開向伍詠薇道歉，會否覺得他有承擔，三太說：「呢個唔方便講，由佢自己處理，都信阿女嘅眼光。」
蔡一傑寸山聰
同場的草蜢為活動榮譽大使，成員蘇志威更帶同太太劉小慧及幼女參與。一向與伍詠薇極老友並稱女方為愛人的蔡一傑，對於愛人與陳山聰絕交表示支持，並明踩陳山聰說：「人哋鍾意絕交咪絕交，以我認識，伍姑娘係率直人，我信佢，唔緊要，佢大把朋友錫，有個咁錫佢嘅老公、愛人、死黨、阿哥阿嫂、家人。」
採訪、攝影：唐如
