會計師公會每年12月都會選新一屆會長，不過相信佢哋嘅透明度應該低過特首選舉，否則點會有166個會員簽名要求一人一票選會長。
華華問過今次「一人一票選會長」支持小組召集人盧華基，以往係點選會長嘅，盧華基話，以前根本就係「密室協商會長」，點樣選得嗰班選委知。至於乜嘢人係選委？要佢哋自己先知，透明度低過1200人選出嚟嘅特首。
盧華基仲話，只係用咗一朝早時間，就集齊166個會員簽名，要求召開會員特別大會。喺現行制度下，56日內就要開呢個特別大會，佢好有信心，到時會集齊5000個會員簽署，發出一人一票選會長嘅聲音。盧華基叫華華唔好誤會，佢只係想改革呢個咁過時嘅制度，唔係唔妥現任會長。