徐濠縈、官恩娜和陳貝兒等，前晚在中環出席HTC手機活動，黃宗澤戴墨鏡遮掩發炎雙眼。徐濠縈透露有三部手機，她說：「一部上網，一部影相，一部checkemail。」她自爆曾遺失沒加密碼的手機，幸好發生奇蹟，由老公陳奕迅朋友的朋友執到，物歸原主，問她豈非私相外洩？她說：「入面都係個女嘅相同啲生活相，冇乜特別。」
Rick講Lucas
同場的張栢芝化妝師RickChin曾代照顧Lucas，他前晚透露Lucas返學近況：「佢返咗學校好開心，之前有少少唔適應，家幾好，喜出望外，仲講多咗廣東話。」提到狄波拉指少見孫仔，RickChin即說：「冇可能，要見一定見到，可以叫霆鋒安排㗎。」問到Lucas對父母分開、離婚有甚麼不慣？他說：「4歲小朋友，都唔知呢個世界發生乜事，家離婚，好似以前佢哋各自出去工作、拍戲咁，佢唔發覺有乜唔同。」
採訪；楊潔雯
攝影：黃文偉