工作繁忙冇時間keep住做treatment，位於中環都爹利街的Firma醫學美容中心，除了地點就腳，有一個Ultherapy超聲波緊緻皮膚療程，需時僅2小時，以超高頻聲波刺激皮膚細胞增生活化，做完3個月內皮膚慢慢變得緊緻細滑，仲可以keep到兩年。齋做塊面5.5萬元，做埋頸部facial收費7萬元。
超聲波瘦身療程
此外，極速瘦身VaserShape，同樣靠超聲波震動達至瘦身效果，超聲波可深入皮層5毫米，療程40分鐘，可減3至4厘米，每次收費6000元，只可做一張A4紙大小的部位，共需做5次。若時間充裕，可以做齊美容瘦身，再喺獨立VIP房敷埋CrystalFibreMask，這款面膜是創傷後深層治療專用，5次收費1000元。全套服務由註冊醫生護士主理。
專車接送往來機場
Firma副總經理林嬌說，由於大陸及台灣均未有引入Ultherapy超聲波器材，故不少外地客專程來港做treatment，客人消費滿2.5萬，公司會有專車接送來回機場。由於該店每間房都需要密碼卡開啟，保障客戶私隱，故吸引不少男女明星幫襯。林嬌說，有位杭州女客人，趁黃金周展開為期5天「美容之旅」，每日在該店揀兩、三個療程，由頭做到腳，共消費20萬元。
記者：張韻珊 攝影：羅君豪
