上星期蘋果宣佈喬布斯去世，引發全球蘋果迷喺網上網下集體悼念，當中包括SOHO中國（410）董事長潘石屹。
不過，佢喺微博留言悼念之餘，仲建議蘋果，搞個1000蚊以下賣蘋果iPhone嘅活動，等更多人可以用蘋果iPhone，藉此悼念喬布斯。
就係呢個建議，搞到俾網友惡搞，話潘總邊日仙遊，亦都請SOHO中國推出每平方米1000元嘅樓，咁十幾億人民都會紀念潘總！
件事越玩越大，喺網上出現咗有潘總人頭像嘅「潘」銀紙，連百度百科亦有「潘」嘅解釋，話係房地產計價單位，一潘等於每平米1000人仔。
家大陸網友問地區樓價時，係用你嗰區樓價值幾多「潘」。