【本報訊】16年前私藏逾千張警員露械「淫照」轟動全城的「富家公子」劉定成，因涉非禮案再次見報，他日前在保釋期間接受《蘋果》記者訪問，自稱跟娛樂圈中人熟稔，還大方分享他拍攝男性裸照的多年嗜好，大爆不少男子為錢、為成名，主動「送上門」，甚至表演4P性交供他欣賞。
「要畀誠意，除晒睇全豹」
「我係基嘅，你唔好問，我認咗先。」劉定成上周主動邀請《蘋果》記者在跑馬地一間茶餐廳內接受訪問，先坦承自己的性取向。他說童年時已喜歡男仔，中學時代母親亦知悉。「當時我同阿媽講，你呢個仔唔會結婚！」母親聽後只是默默無言，劉安慰說：「仲有阿哥同家姐，你實有孫抱。」
一提起拍攝男性裸照，劉滔滔不絕，「佢哋貪錢囉！」他說：「啲人嘅人工有幾多吖？又要威又要賭，卡數一張冚一張，始終要還㗎！」他表示，來搵他拍裸照的人很多欠債纍纍，亦有少部份是希望借其關係晉身娛樂圈或介紹富婆給予「照顧」。「我擺明車馬，嚟搵我嘅就要畀少少誠意，除晒睇全豹。」劉定成一邊吃奶油多一邊說：「睇唔啱就打發佢走，如果係我杯茶咪有得傾囉。係我杯茶嘅，我會照顧佢。」
「一個肯買，一個願賣，何況佢哋都係成年人。佢哋畀我影相時，為咗錢都好博㗎，要佢哋玩3P、4P都得，我剩係睇佢哋表演，從來冇參與，點知佢哋有冇病㗎。」劉又說：「有乜好睇？咪好似睇4仔咁囉，只不過我係睇現場直播。」劉並不介意鄰枱食客投來的奇異眼光，續說：「我喺娛樂圈中都算係有少少名氣，佢哋（藝人）咪係經人介紹，一個帶一個嚟搵我囉……娛樂圈個個都貪慕虛榮啦！」他又聲稱與陳志雲相熟，經常聚會。
劉在中大社會系畢業後不久父親病逝，他之後負笈日本及歐洲遊學讀時裝設計，20多年前回港後，靠家族留下的家財已可過無憂生活的他，開始與娛樂圈的人士結緣。對於自己有多少身家，劉只說夠其隨心所欲花費，平時逛名店買名牌，又說自己有多間公司從事房地產及基金投資，公司運作早上軌道，鮮有回公司。
契仔大多因財失義離去
劉說收了不少契仔，包括樂壇組合4anda成員、案中次被告盧昕傑。「做我契仔又乖又聽話嘅，咪打本佢做生意囉……我唔會畀錢佢哋去玩，我只會幫佢哋建立自己嘅事業。」劉又透露，大部份契仔最終已因財失義離去，現時只有一個相識10多年的知己陪伴左右，「係娛樂圈中人，佢最得我寵，剩低嘅日子我會留畀佢。」