經已係一對分別3歲同1歲大囝囝媽咪嘅鄺文珣，噚日去到新城喺紅磡嘅戶外直播室分享親子心得，佢話自己係一個自由度好高嘅媽咪，會畀小朋友自己去解決問題，自己只從旁觀察，完全唔會不停要囝囝學嘢畀壓力小朋友。佢仲話連工人都要教導埋，唔准工人過份照顧小朋友，免得失去獨立能力，到時就唔係幫佢而係害咗佢。