國慶嗰日去咗尖咀某個大型商場睇煙花，仲撞見某個寸嘴歌星仔，同埋某個明星二代。可能喺公司見得太多明星，所以冇乜感覺，覺得都係普通人一個。印象之中，見過最靚仔嘅男藝人，應該係譚耀文，記得嗰陣時佢套《縱橫四海》喺二奶台做緊，咁啱嚟報館做訪問，喺部電梯見到佢。譚耀文嘅舊作《爭分奪秒》家喺三色台嘅深夜時段重播緊，晚晚收工之後我都有追，記得當年套劇首播嘅時候，睇咗幾集就冇睇落去，雖則意念來自美國劇集《24》，但係劇情就扣得唔夠緊。過咗幾年，家陣睇番又好似幾好睇，或者係三色台家啲劇太唔啱口味啩。今晚歐國外，英格蘭差1分就出線，作客黑山未必會搏命，一於要黑山「主勝」。
文：青蛙仔
星期五23
黑山vs英格蘭
心水：黑山勝[+1]
心得：三獅1分就夠數