林淑敏（Mandy）前晚在微博留言分享抗癌心路歷程後，圈中好友紛紛回覆鼓勵，黃日華昨日也在微博給林淑敏送祝福，他說：「所有人都會為你打氣！做你強大後盾！一定會打敗病魔的！加油！」
馬仔贈花膠
馬浚偉曾跟Mandy在劇集《隔離七日情》合作，他大讚Mandy堅強，馬仔昨日在電話中說：「今年年頭佢親口同我講有呢個病，咁啱我妹妹啱啱康復過番正常生活，正好同佢分享箇中情況，我安慰佢唔好畀自己有壓力，幾個月前見過佢，我仲買定花膠畀佢補身。」
在劇集《怒火街頭》與Mandy合作過的陳敏之昨日說：「佢好堅強同樂觀，其實容貌唔緊要，有健康心靈先可以戰勝病魔，佢咁積極態度好值得大家學習。」無綫製作資源總監樂易玲昨日在電話中說：「佢話好番可以開工，我哋亦同監製講咗，嚟緊有新劇可以預佢。」
採訪：比華利