蘋果教主喬布斯（SteveJobs）昨日病逝，終年56歲，喬布斯患上胰臟癌及曾接受換肝手術，體重驟降，曾多次請病假。喬布斯逝世震驚全球，由於Apple產品一向深受中港台圈中人追捧，所以娛圈中人對教主之死都深表惋惜，並紛紛透過微博致以哀悼，祝願喬布斯一路好走，並感激他創造的Apple產品改變世界，特別是一部iPhone更令圈中人趨之若鶩，人人不離手，令iPhone已成為他們生活的一部份。撰文：林妃
李嘉欣：
美國總統奧巴馬：他改變了每個人看世界的方式。StevewasamongthegreatestofAmericaninnovators-braveenoughtothinkdifferently,boldenoughtobelievehecouldchangetheworld,andtalentedenoughtodoit.（喬布斯是美國最偉大發明家，勇於令思想不同，夠膽相信可改變世界，及聰明到做得到）謝謝您改變了我們的世界，一路走好！
蘇玉華：
我係超級蘋果迷，聽到呢個消息真係想喊，佢係一個好偉大嘅發明家，好可惜，每樣蘋果產品我都有買，佢啲產品令我生活更美好。
楊崢：
佢嘅離開都有心理準備，知佢身體唔係咁好，佢係一位Apple代表人物，雖然佢人離開咗，但佢嘅精神會長存喺Apple，佢可以做到好有影響力，係Applelegend。我唔擔心佢離開會令Apple產品失去創意，我聽講Apple好有先見之明，一早設計好多產品，然後慢慢推出等大家追捧，佢應該留低唔少產品設計。另外我知佢嘅產品都影響時裝界，曾經有太陽能外套可以用嚟幫iPhone叉電。
譚詠麟：
話須如此舊換新，但你這舊的是在地球上的時候非常幫得手，所以很多在世的人都應向你致敬！
房祖名：
謝謝你！對人類所作出的貢獻！喬布斯我們會很想念你的！
古巨基：
我係Apple嘅diehardfans，雖然知佢有病，但今朝一聽到佢過身嘅消息都好愕然，好欷歔。佢係一個偉大嘅發明家，影響世界，同時佢亦係一個哲學家，有時我聽到佢發表嘅言論比喻真係好好，亦喺人同人嘅互動有好大嘅影響。
袁詠儀：
多謝你喬布斯先生！你的貢獻讓我認識更多這個世界，希望蘋果日後繼續發揮你的精神。一路走好！
林志穎：
蘋果失去有遠見又具創造力的天才，世界也失去了位非凡的人物，史蒂夫遺留下來的是間只有他才能打造的公司，他的精神會永遠是蘋果公司的基石，祝福他。
林峯：
我開電腦時見到寫住1955-2011，當時覺得好突然好可惜，我屋企電腦都係用呢個品牌，佢係一個好好嘅推銷人才。其實我一向都好少追捧科技產品，反而打機就會追，有時潮流產品唔使一出就擁有，遲點買會仲平點。
謝天華：
我太太係佢嘅fans，基本上有齊晒蘋果嘅產品，我聽到覺得可惜，56歲人生嚟講唔係一個太大嘅年紀，好無奈喇！佢係一個好傳奇嘅人物，係社會上好大貢獻嘅人，係值得我哋嘅懷念，相信佢公司嘅人都會繼續延續佢嘅精神。
徐子珊：
我都有用佢啲產品，真係好可惜，佢嘅一生都好傳奇，好後生創辦咗間公司，失敗咗之後又會繼續努力再返番上去，呢個精神好值得學習。
何韻詩：
一個人能活得如此精采，該無憾了。SteveJobs，謝謝你的貢獻，一路好走。
小儀：
我都覺得佢係改變世界，iPhone都改變咗我，以前覺得返屋企上網check嘢都得，點解要咁心急，但佢嘅方便係喺邊度上網都得。我同啲同事講我哋冇咗部電話就唔得，我哋依賴晒WhatsApp，佢好多apps的而且確好方便，我有個習慣就係返工未睇報紙就上定網睇報紙，會睇定頭條有啲乜嘢。
梁思浩：
他真的改變了人類！也在他身上學懂了一些人生哲理！教主。一路好走！
李冰冰：
他帶來的改變將會比我們想像的，影響我們更久~
黃曉明：
我是用iPhone看到這個消息的~~喬天才一路走好。
鄭秀文：
Peaceinheaven.
鍾欣桐：
R.I.PSteve多謝你曾經為我們帶來的一切。