身為宣明會助養者嘅周慧敏（Vivian小圖）同鄭秀文，得知東非遭遇60年嚟最嚴重嘅糧荒，於是佢哋第一時間幫宣明會拍宣傳短片，呼籲大眾關注今次糧荒。而Vivian早年曾經隨宣明會踏足非洲剛果民主共和國，當日Vivian亦有機會接觸受助養嘅兒童，知道佢哋好珍惜獲得幫助嘅機會，仲答應會好努力咁去學習，令佢感到安慰。