10月準新娘李玟昨晚與未婚夫Bruce十指緊扣現身中環置地廣場，出席S.T.Dupont店開幕活動，兩人春風滿面透露本月27及28日的婚禮細節，李玟表示：「都八八九九，好興奮，開始失眠，有好多idea想放落婚禮度，想多啲音樂元素，我啲同學都會喺三藩市飛嚟。」
嘉賓保密
有傳嘉賓名單包括「籮霸」珍妮花洛庇絲（JenniferLopez），李玟未婚夫Bruce以廣東話表示：「唔知。」李玟在旁補充：「好多好nice嘅朋友會嚟，之前睇到報道有啲係誇張，都想保留神秘感。」
李玟透露會穿多套禮服，早前已試穿VeraWang設計的婚紗：「之前試身見到件婚紗都想喊，激動又感動，想到有呢一日，係夢想成真。」李玟表示未婚夫一對13及16歲的女兒會做伴娘，問到婚後有否造人計劃，她表示：「暫時未諗住。」
採訪，攝影：溫敏芝