千里馬要得伯樂提攜才能成為明日之星，步步順利，否則處處碰壁，人稱排骨仔的敖嘉年在無綫遇上金牌監製李添勝正好說明這點。時至今日敖嘉年不管背負反骨仔、排骨仔之名也同樣受落，儘管經歷江湖情義兩難存，排骨仔敢說一句「仍然屹立不倒」，面對好與壞也只為搵食而已。 撰文：卓寶花
敖嘉年近年由主持轉型入戲劇組拍劇，接二連三獲得無綫金牌監製李添勝賞識，分別找他演劇集《碧血鹽梟》、《巾幗梟雄》飾演蔣必文及《巾幗梟雄之義海豪情》中演命運悲慘、單純善良的排骨仔，09年憑蔣必文一角奪得萬千星輝頒獎典禮的「飛躍進步男藝員」，為他帶來人氣，同時即成無綫搶手貨，簽下經理人合約成為親生仔，繼而有機會力爭上游。
挑戰演技踩鋼線
一直獲無綫給予發揮機會的敖嘉年，最為人記憶猶新相信是排骨仔一角，他說：「排骨仔只係最大迴響，家行出街啲人都係叫我排骨仔，但知名度同我喜歡係兩樣嘢。」
敖嘉年反而最喜歡《魚躍在花見》劇中飾演智障青年魚至寶，他說：「飾演智障人士好似踩鋼線，一係唔達標，一係會過火位，但我鍾意呢種挑戰，成日做奸人同好人都會悶。」
早前敖嘉年在劇集《九江十二坊》中飾演二少爺宋子駿，夥拍林保怡戲份很重，乘着電視圈起風雲，無綫小生人去樓空之際，敖嘉年有機會乘勢再上一層樓，難怪他大賣口乖：「我喺無綫長大，會留守無綫，冇諗過要走，雖然錢人人都想多，但我仲有好幾年合約。」
背負反骨仔之名
雖然敖嘉年一直扶搖直上，不過人生又豈能盡如人意，正值上位時期卻波折重重，負面新聞一單已夠抵銷所有，正當大家投入了排骨仔的善良一面時，他竟與冼灝英在K場發生打鬥事件，曾跟冼師傅學大聖劈掛的他師徒決裂，被揭負面形象，敖嘉年說：「影響一定有，當時排骨仔角色效應加上呢單新聞，有為我帶來好多工作，有得必有失啦。」
對於中國人着重尊師重道，敖嘉年只輕描淡寫帶過：「係誤會一場，自己都唔想再講。」當時他疑被玻璃爆樽打至左眼眉骨爆裂，如今傷痕雖已消褪，但其後卻背上反骨仔之名，敖嘉年懶理說：「有人唔鍾意你時就會講你，但鍾意你時又唔會咁話你，自己入行咁多年，我食得鹹魚抵得渴，好與壞同係搵餐飯食，冇理人點睇我。」
不招人妒是庸才
敖嘉年的一言一語有點像人紅驕語，事實上他別有想法：「只係呢幾年人生經歷成長咗，人睇化咗，即使報道講乜，我睇吓就算，因為清晰知道自己方向。」但人生必有高低起跌之時，曾有前輩安慰敖嘉年，他說：「人哋見你起時實會打擊你，如果你係nobody，就冇必要攻擊你，我受得起，你見我家仍然屹立不倒就知，搵食係我主要心態。」敖嘉年表現得一臉自信，直認在工作上很有野心：「野心係對工作、對自己，但唔會踩住人上，要踩人嚟提高自己就難以生存，所以我問心無愧。」
攝影：林德雄
化妝：EleenaYuofagogoimageservice
髮型：ClarlesNgofHAIR
場地提供：大龍鳳
