《怒火街頭》載譽而歸，原班人馬開拍第二集，監製由《怒火街頭》導演接任，男主角鄭嘉穎人氣繼續急升，成為挖角對象，不過嘉穎不為所動，打算繼續效忠無綫，叫王維基不要浪費時間，他說：「支持TVB，立場好明顯喇！」
鄭嘉穎擔正的《怒火街頭》收視高又口碑好，他的內地劇《步步驚心》又爆紅，有見及此，無綫即開拍《怒火街頭Ⅱ》，為嘉穎的人氣保鮮，並於昨日舉行拜神儀式。
留守只因樂易玲
最近有傳嘉穎在內地拍劇叫價每集16萬，嘉穎昨淡淡然說：「其實唔止！」路經的胡杏兒見到嘉穎受訪，即忍不住說：「幾時請食飯呀？16萬一集！」杏兒續說：「日日開工要你萬歲呀！去福臨門呀！」
挖角潮開始時，嘉穎身在外地，他說：「都係平常心處理，支持TVB，樂小姐（樂易玲）喺TVB期間，係唔會喺第二個電視台見到我，我立場都好明顯喇！我仲有一段時間先完約，所以呢段期間唔適合傾任何嘢，喺我合約完之前唔會有任何決定，唔好嘥大家時間，我又唔想嘥王生（王維基）時間。」
問杏兒會否羨慕嘉穎的高酬勞？她說：「我都唔少㗎！不過我唔講出嚟，驚嚇親搵我拍嘢嗰啲人，總之好抵用，抵過鄭嘉穎。」
杏兒贊成加人工
講到無綫調整薪酬，杏兒說：「我知好多幕後都有調整到，都戥佢哋開心，始終拍劇係團隊工作，好需要幕後精英，所以調整係OK！我覺得我份約OK，當然錢係越多越好，但我又唔係低到好想加人工，公司好好，畀我返內地拍劇。」問杏兒不急於加人工，是否想封視后作代替？她笑說：「唔知喎，唔會咁嘅，希望自己好成績喇！」
採訪：楊潔雯 攝影：陳順禎