吳綺莉主持無綫生活台節目《女人有話兒》，噚日請咗陳美琪做嘉賓。陳美琪話同吳綺莉相識於上海，因為大家投契，而且共同話題都係圍繞住小朋友，美琪話吳綺莉對小朋友好嚴格，見佢獨力湊大個女，仲犧牲好大，所以好欣賞佢。至於好耐冇拍劇嘅陳美琪仲話，有劇組搵佢返大陸拍劇，但係家要照顧養女，暫時唔能夠離開香港。