憑警鐘胸出位嘅JessicaC.噚日喺銅鑼灣大晒身材為內衣品牌行騷，吸引近百龍友狂影。最近有報道話Jessica同男友Sergio分咗手，Jessica話：「我同Sergio分咗手兩個月，因為大家目標唔同，加上我去台灣拍劇。」
用錢買教訓
Jessica話初初都有啲唔開心，因為足足拍咗4年，家當係重生。佢又話之前去L.A.做嘢時分手，嗰時都有少少難過，因為香港好多朋友，嗰邊得自己一個，不過佢好堅強咁捱過咗。
講到分手原因，Jessica話當日同男友都有嗌交，問到Sergio係咪有新歡，Jessica話希望係之後嘅事。
Jessica曾經話過有養Sergio，問佢覺唔覺得浪費咗金錢？佢即暗寸對方話：「初初都有，慶幸我有好多工作賺到錢，呢啲所有嘢係學習機會，錢可以再搵番。」有冇復合可能？Jessica話大家係和平分手，暫時保持距離，佢又話鍾意工作勤力同令佢開心嘅男仔，唔使搵個有錢男友，因為自己可以照顧自己。