被伍詠薇宣佈絕交的契弟陳山聰，昨日接受商台電話訪問解畫：「嗰晚係同成班朋友慶祝生日，有人提議玩遊戲，輸咗要打電話畀好朋友話絕交，覺得佢（伍姑娘）玩得，膽粗粗打畀佢，叫佢以後唔好搵我，伍姑娘聽完話好呀，就cut咗線。」
楊怡斥出賣朋友
山聰續說：「嗰刻知大件事，不過即刻搵佢解釋都冇聽電話。如果我知會搞到伍姑娘咁唔開心，我唔會打呢個電話，我唔想加深誤會，所以公開同佢講對唔住，我知道佢真係好嬲。」
不少人覺得陳山聰與何超雲拍拖「巴閉咗」，山聰說：「我同超雲家庭背景分別咁大，公開咗一定有負面報道同壓力，我好多謝超雲嘅信任支持。」另外，與山聰友好的楊怡昨日出席在九龍灣的活動亦說：「佢真係唔抵爭呀，為玩遊戲而出賣朋友，要打佢patpat。」
採訪：何慧斯、楊潔雯
攝影：黃文偉