【旺友】連續幾晚冇波睇，又係時候煲舊碟，搵翻隻之前買咗未睇嘅《雞排英雄》；台灣低成本製作，對白大多數係台語，主角更加冇個識。成套戲以夜巿作背景，故事亦正路到爆，地產商收地，攤販保衞夜巿，最後群眾力量勝出，台灣特色繼續保留。
曾幾何時，香港都有類似咁嘅夜巿，以前黃大仙東南西北座嘅大牌檔，同戲入面一樣都係人頭湧湧，食到嘅炒蜆、魚蛋、炸大腸、牛雜，全部個體戶經營，各有風味同特色。
唔似家旺角街邊檔，一檔有齊晒，不過魚蛋就有牛雜味，買牛雜就變咗豬腸，真係吹脹。今日國際賽鍾意懷舊，昔日「1哥」巴西小勝兼「細」。
文：筋肉人
星期五29
哥斯達黎加vs巴西
心水：哥斯達黎加細
心得：主隊識守唔識攻