滙豐新後備數據中心喺沙田石門動工，同中環總部、將軍澳工業邨數據中心有一共通點，就係靠海而建。
唔好以為同風水有關，華華聽聞，滙豐設計有硬件設備嘅大廈時，會喺地底興建一條大水喉，連接附近海邊，以防空調機件故障時，可以隨時灌入大量海水降溫。所以滙豐中環總行除咗天台有大型水池儲水，仲有條大喉連接到維多利亞港。
雖然至今未聽過需要用到呢一條喉，但家中環要填海，滙豐都要使多一筆錢來整長條喉。
至於隔籬就係城門河嘅滙豐石門數據中心，可容納1300名員工，估計2013年竣工後，會作為將軍澳數據中心嘅後備支援基地。