李澤楷表弟林忠豪之前與拜金女廖碧兒傳緋聞，最近有指他轉軚追剛回復單身的莊思敏。莊思敏前晚錄影無綫收費台節目被問到緋聞，風騷表示跟林忠豪都是單身，見面時間比較多，她否認自己是小三，強調肯定男方回復單身，是「飯腳」，但未屬於可以長食的飯腳。
曾經與拜金女廖碧兒傳緋聞的李澤楷表弟林忠豪，最近被指移情別戀狂追月前和吳浩康甩拖的莊思敏。莊思敏前晚在將軍澳主持無綫收費台節目《姊妹淘》時，被問到是否與林忠豪拍拖？莊思敏即時心情勁靚，笑住說：「黐線，食飯咋，我反而要同屋企嘅保安反映，點解我交咁多錢管理費，可以俾架陌生嘅車跟埋入嚟。」
問莊思敏與林忠豪的發展機會，她說：「冇諗喎，我近期都有同唔同類型嘅人食飯，我又唔鍾意自己一個人食飯，所以成日都會搵朋友，只不過咁啱係男仔啫，佢已經係第三個喇，我每次同男仔食飯，一影到就話佢追我，好慘呀！」
未係長期飯票
記者指因「飯腳」身份敏感，莊思敏笑說：「係呀，所以咪怪佢囉！我同林生識咗11、12年，不嬲都有約食飯，近排真係多咗，因為大家都係single，時間多咗，約食飯嘅時間咪多囉！」
有指莊思敏介入林忠豪與廖碧兒，她語氣肯定地說：「冇啲咁嘅事，我哋一直係朋友有傾偈，我肯定同知道最近約佢，佢已經係single，所以一定唔關我事，但係我唔話你知係幾時嘅事，我唔會爆人哋嘅私隱。」甩拖後的莊思敏接二連三傳緋聞，問她可覺得出面世界很精采？她說：「家多咗好多唔同嘅飯腳，但係未有一個可以長食，長期飯票咪工作囉，點都係靠自己穩陣啲。」
怕傷害吳浩康
談到前男友吳浩康，莊思敏表現酸溜溜說：「係呀，我哋私下有聯絡，佢嘅回應係激動咗啲，但係我又控制唔到佢，再講明就hurt喇，佢都知㗎。」
採訪、攝影：何慧斯
