新一代女神樂瞳在樂壇的發展似乎不太如意，反而因為拍劇而令她人氣急升，工作量直線急升。連樂瞳自己都覺得今次的遭遇是失而復得，她下定決心要努力工作，而且不會埋怨沒有時間休息。
樂瞳於06年加入無綫藝員訓練班，之後DJTommy幫她出唱片，可惜之後沒有再與她續約，當時她以為自己在娛樂圈從此消失，心情低落了好一陣子，更打算轉行。後來無綫播映她有份參演的劇集《點解阿Sir係阿Sir》令她重生，自此無綫提出了一份條件不錯的合約，早前她更簽了新唱片公司，事業重新出發。
轉行考空姐
樂瞳想不到事情會有如此戲劇性的發展，她說：「我真係以為自己個夢就咁完、好徬徨，諗住轉行去考空姐，因為以前都試過考一次，入到final，點知套劇一出，將件事扭轉晒。」
樂瞳坦言以前自己不夠努力，作為樂壇新人的她，有時會於心裏埋怨公司為她安排密麻麻的工作，她說：「以前好唔明點解fitting都要我返公司試足一日衫，雖然唔會講出口，但係做嘢就唔夠積極。經過低潮期之後，我明白機會同幸運唔係必然，家無論有幾多嘢做、唔夠瞓，我都唔會怨，因為有工作係好幸福嘅事。」
拒戀圈中人
現時有劇拍、有碟出，又接下少商場騷及廣告，樂瞳覺得人生十分充實，現年25歲的她當然渴望拍拖，她說：「咁我呢個年紀想拍拖都好正常，但係真係忙到冇時間見朋友，根本唔會有機會識到其他人。我嘅擇偶條件一定唔會搵幕前嘅人，因為我好冇安全感，如果男朋友好多女fans我會唔鍾意，佢要拍咀戲我一定會呷醋。」
採訪：李珮洳
攝影：陳俊強
服裝提供：RayBeams（I.T.）
化妝：WinkiTsang
髮型：RentonviaILCOLPO