利記中堅加歷查（圖左）突然企出嚟插卡比路（圖中）？其實唔係卡比路一個，而係非英籍嘅領隊。佢話外籍領隊唔係冇料，不過就算麻麻哋嘅領隊，只要係「來佬貨」，就會畀英格蘭足總放個光環喺個頭上面。仲話英足總有咩事就會炒咗英籍領隊，搵個外籍人返嚟，以為就咁就可以解決問題。其實係英籍領隊唔爭氣，關卡比路咩事？