馮仁昭四圍超：爆乳超蓮露Bra任 - 馮仁昭

天氣開始轉凉，之前胸群而出嘅模漸漸進入冬眠狀態，學嘢增值轉型可以話係唯一能夠喺入冬時生存嘅要訣，有「爆乳超蓮」之稱嘅鍾采羲（Iris）噚日獲戴夢夢同男友陳定邦邀請，擔任佢哋喺荃灣嘅第二間內衣店開張嘅模特兒，Iris仲即場示範新款內衣谷胸現身，吸引成班男人逼爆舖外。

夢夢怨男友唔求婚

不過Iris只係着谷胸bra現身，下身就着短褲而唔係着內褲，收過萬酬勞嘅Iris話唔着成套內衣示範係公司安排，雖然平時都係行性感路線，但Iris話：「着到咁對住咁多男人行騷都覺得尷尬，其實無論酬勞幾高，我都唔會裸露重要部位。」

天氣轉凉唔少模都少咗工作，Iris都坦認話自己有少少影響，所以家學緊打碟做DJ。另外老闆娘夢夢同男友話嚟緊12月會開第3間分店，佢哋預計明年11月結婚，夢夢投訴男友仲未求婚，夢夢話：「原先仲以為佢會藉住開張喺記者面前有所舉動，點知乜都冇。」陳定邦聽到好尷尬話一定會有表示，仲話已經有晒全盤計劃。