黃貫中（Paul）月尾與ThePostman舉行音樂會，之後還會推出新碟。阿Paul深信只要有心做音樂，一定會有人買碟，提到年輕人都愛download，他說：「我唔明啲人可以用百幾二百蚊買本雜誌，但都唔肯畀一百蚊買隻好聽嘅CD。」
黃貫中將於本月29日在StarHall舉行一場「PaulWong&ThePostmanDeliver」演唱會，近日Paul忙於排練和宣傳新碟。不過，阿Paul完騷後才會推出新碟，他笑言歌迷可以在演唱會上先試聽，他說：「你哋聽過咪知我隻碟抵唔抵買囉，你鍾意咪繼續download囉，但啲質素就係第二回事。」
「CD可聽一世」
阿Paul續說：「我唔明啲人用百幾二百蚊買本雜誌，就係為咗個袋仔，但唔肯畀一百蚊買隻好聽嘅CD，嗰啲書隔個星期都掉啦，CD可以聽一世。」
為了今次大碟，阿Paul花了四年時間，他透露單是製作費和租用錄音室已不菲，他說：「今次我做呢隻碟嘅心態，就當係最後一隻碟咁做，好多錄好咗嘅歌都係咁丟。創作人如果冇推翻自己嘅DNA、冇討厭自己嘅態度，係唔會有好嘅作品，總之隻碟唔買係你嘅損失！」
提朱茵甜絲絲
眼前的阿Paul談及音樂時，眼神堅定信心十足，但一提到女友朱茵，面上即換上甜絲絲的笑容。縱使二人已拍拖超過10年，至今仍未有結婚打算，阿Paul說：「我最開心係咁多年大家感情都咁穩定，我見好多人拍好耐拖結婚，一兩年就嗌離婚。感情唔穩定走去結婚，結婚只係離婚嘅開始。」
採訪：李珮洳 攝影：仇志德
場地提供：小南國（時代廣場）
化妝：JonathanLi（ModAcademy）
髮型：NikiLee（Headquarters）