英冠球隊森林最近喺領隊麥卡倫走咗後，睇過唔少CV，想盡快搵個人返嚟帶球隊走出低谷。眾多疑似人選中，就有球員時代喺森林響朵嘅堅尼（圖）。自從俾葉士域治炒咗魷後，堅尼失業咗9個月。雖然唔知班球迷受唔受落，但英國賭博公司就當到似層層，堅尼有得撈嘅賠率都幾熱。森林家排緊尾4，堅尼領軍戰績一向平平，係咪合適人選呢？