陳倩揚產後4個月，成功減了20磅，她昨在將軍澳電視城出席《十月星辰》，並戴上黑超，雖不施脂粉，仍容光煥發。倩揚本月13日生日，問她是否特別不同？她說：「係呀！多咗個BB陪我哋，佢4個月大，日日都唔同㗎！真係唔想出門口，所以我每日都會預早半個鐘時間出門口，因為出門前要同佢玩。」
講起一家三口，倩揚甜到漏，並計劃兩年後再生，她說：「唔想太近，咁對大嗰個唔係咁公平，同埋都想搵吓錢先，等佢可以過更好嘅生活。」為賺奶粉錢，倩揚產前接了一個產後瘦身廣告，屆時會着比堅尼拍照，她說：「應該會喺10月拍，家距離我最瘦嗰時差7磅，影嗰時應該冇問題。」
採訪、攝影：楊潔雯