有位ChristinaChung讀者電郵咗一首詩畀華華，係對家陣個市有感而發之作。首詞「改編」自《木蘭辭》：
「跌跌復跌跌，股民當止蝕。不聞財爺聲，惟聞女歎息。問女何所思，問女何所憶。女亦無所思，女亦無所憶。昨夜見股災，可恨沒保本。措施幾十條，條條沒治根。阿爺無出策，本港無對策。願為市復興，從此享昌盛。」
首詩最尾有署名「八十後港女─鍾曉慧心聲」，望番封電郵，寄件者姓Chung，唔知係咪同一人？咁有文采，吸引華華四處搜尋。結果上咗佢個微博，見到Christina（圖）廬山真面目，靚女一名。睇埋佢個人簡介，原來從事金融界。正如首詩咁講，個市跌到一扑一碌，但政府官員個個掛住特首選舉，難怪從事金融界嘅Christina咁感慨。