歐洲國家盃外圍賽戰至尾二一輪，已有德國、意大利及西班牙3支強隊肯定出線。傳統智慧，人們總會覺得此類球隊會開始揸流攤，因此莊家都會相對調高賠率。
德國至今保持8戰全勝，今場入選陣容亦與以往相若，而正選通常有大半隊是拜仁球員，這隊班霸近來造出10連勝兼零失球，球員狀態大勇兼心雄，今仗亦會求勝以保外圍賽全勝紀錄。土耳其雖然一向擁有地獄主場，但上次主場面對哈薩克之流，亦只能小勝2:1，今仗難擋來勢洶洶之德軍。
西班牙與德國一樣，外圍賽亦保持全勝，博西班牙取勝原因與德國相若，捷克比土耳其更弱，西班牙比德國更強，亦毋須挑戰地獄主場，所以賠率比德國低．但既然有保持全勝誘因，有1.7倍仍然算合理。
至於意大利作客塞爾維亞，賠率上相對較高，可能人們對此球隊的印象，仍然停留於上屆世盃分組賽3戰不勝包尾之尷尬場面。但事實上，意大利之後是有所改善，歐國分組賽8戰7勝1和，只失1球，表現值得尊重。對手塞爾維亞根本是一支褪色勁旅，世盃時表現差之餘，之後歐國盃外圍賽亦無甚進步，主場亦沒有明顯優勢。今次意大利雖然沒有全勝紀錄，但亦冇放水必要。既然防守力強，塞爾維亞要攻破客軍不易，可博意大利「讓球主客和」[+1]的「客勝」。文：黃國英
混合過關
星期五14德國勝（2.02）x
星期五16西班牙勝（1.7）x
星期五19意大利勝[+1]（1.75）3x1