諸葛紫岐（Marie）早前低調做了Neway細少薛嘉麟的太太，昨日她出席活動時高調晒幸福，明顯肚凸凸的她否認已有身孕。對於死敵陳法拉拒認已嫁Neway大太子薛世恒，反暗寸Marie晒幸福晒到燶，Marie即出言反擊被老公錫到燶。
古天樂和諸葛紫岐昨日在尖沙嘴出席Swarovski活動，二人以俊男美女組合示範新款手錶。最近Marie被爆在美國跟Neway細少薛嘉麟註冊，明年才擺喜酒，昨日與Marie談到有關婚宴的事項時，她有說不完的話題，大晒幸福，更興奮表示屆時會邀請被傳不咬弦的陳法拉去飲，而且見她肚凸凸，孕味極濃。
自稱自小被錫大
問Marie是否已成功造人，她否認：「可能件衫比較窄，肚位有啲脹，我身材好咗。」身材改變是否意味有BB，她說：「應該唔係有咗。」Marie婚後可有做安全措施，她即一臉尷尬說：「應該有，生BB係明年擺完酒先發生嘅事。」問是否剛有孕要保密，她即窒了一窒又儍笑指未懷孕。
Marie已入住九肚山自置豪宅，對比跟薛世恒傳已結婚的陳法拉只租住愛巢，Marie似乎較得寵，Marie對此說：「絕對冇咁嘅事，呢啲八卦嘢大家唔好講。」她指跟法拉平時少見面，不清楚其愛巢是否租住。
對於陳法拉揶揄Marie晒幸福晒到燶，Marie懶理說：「係錫到燶先啱，我自細媽咪、朋友同主席（指薛嘉麟）都好錫我，我好開心，佢畀好多正能量我，可以發放畀大家。」Marie不介意跟死敵陳法拉分享幸福，她說：「最緊要大家開開心心。」她還謂明年擺酒必請陳法拉。
古仔腳癒可跑步
此外，早前腳傷的古仔昨日表示已痊癒，他說：「我適應得好快，家可以跑步，但有時腳都會冇力，要練番啲肌肉，再過一星期就同Kelly（陳慧琳）開工拍賀歲片，戲中我有一場同動物嘅打戲。」對於無綫爆挖角潮，古仔指尚欠無綫一部電視劇，他說：「做其他電視台訪問冇問題，但拍劇就唔好，要花好長時間，兩、三年前都有人向我問價拍劇，但我冇理。」
採訪：盧妹
攝影：陳俊強