【本報訊】「唔通醫生冇仔女，唔知我有幾痛，你唔係醫院死一個人好平常。」於屯門醫院進行頸椎移位手術後死亡的張睿霆，其10多名家屬昨到屯門醫院遊行，張母鄭妙華哭訴兒子死後至今約半個月，院方仍未詳細交代事件。
家屬與鍾健禮拉扯
張母及一眾親友昨再到屯門醫院示威，遊行進入醫院；當她走到當日與兒子行經的走廊時哭訴：「佢生勾勾行入嚟，唔可以再行出去。」控訴院方至今只給予一個扼要的調查報告，「點解可以咁冷血，如果你哋係父母，你哋可唔可以接受」。
兒子手術後一直昏迷，無法與他講一句話：「唔知佢臨終有冇交低一句說話，我對住佢冰冷嘅身體，幫佢剪頭髮，幫佢清潔身體，（自己）都唔識喊。」張父批評院方及署理新界西醫院聯網總監鍾健禮「龜縮」，不肯面對家屬，及沒有將整份調查報告交予家屬。
張家進入屯門醫院後向該院署理行政總監鍾健禮遞交請願信，鍾接信時慰問家屬「唔好咁傷心，節哀順變」，但張母隨即指「我唔係要節哀順變」，明確要求院方交代事件。由於鍾並未有當面回應家屬訴求，離開時被家屬扯拉，需由職員分開雙方。