梁朝偉日前趁老婆劉嘉玲不在港拖兩女返歸，嘉玲返港後立即出招箍實老公。昨日約傍晚6時左右，一身便服和素顏的嘉玲到深灣9號設於北角的示範單位參觀，不過未見老公梁朝偉陪伴左右。
據現場經紀表示，嘉玲參觀示範單位時，有專人帶隊參觀和講解，她在示範單位內逗留了超過一個鐘後離開售樓處，暫未知道她有否睇中心水單位。
王菲為囡囡置新裝
據知該處單位售價2萬元一呎，單位最少都要3,000萬起，複式單位更高達1.6億元，有傳周啟邦夫人亦曾睇過。
另外，大寶法王噶瑪噶舉傳承展覽明日起一連三日在灣仔會展舉行，到時王菲將擔任開幕典禮的嘉賓，據知與王菲老友鬼鬼的嘉玲到時亦會陪同出席。
昨日傍晚王菲由助手陪同現身銅鑼灣利園商場掃貨，幾乎清一色專攻童裝，幾乎商場內所有的童裝店，王菲皆有入內逛一逛，絕不放過任何一間，相信她是為愛女李嫣添置新衫。
現場見王菲主力買羽絨褸和冷衫，也有買一些公主裙，她每入一間童裝店皆有收穫。適逢昨日公眾假期，商場內有大批自由行旅客，他們甫見王菲即湧入店內要求合照，不過被她婉拒。
問王菲是否來港工作？她說：「唔係，買嘢啫，都係買畀小朋友。」買完衫給愛女後，王菲即轉戰到百德新街的I.T，為自己和老公李亞鵬選購新衣。
採訪、攝影：黃文成、龍婉琪、文國駿
