【霉友】哈哈，我冇估錯，啱啱蘋果個發佈會真係唔係推iPhone5，馬後炮講句，出4S又有幾奇？之前3仔都係咁啦，點會唔玩一機分拆呀，不過4S個look就真係冇驚喜，唯一吸引我係佢跟到三星行DUALCPU（係咪㗎，錯咗請插），嗰啲聲控功能（你睇，我連個功能名都唔知）就真係唔係我玩，最怕對住件死物自言自語，所以我唔會換機喇，等5仔喇，家吓4仔唔好睇咩！
成堆老友同事都係用iPhone，唔知有冇邊個夠膽做白老鼠呢？有我一定第一時間訪問佢，掂我唔會出，唔掂我實笑爆佢，呵呵！
周五又國際賽一大堆，閤埋眼一篤，係佢喇！係希臘呢場喇！開「細」喇。
文：守丹
星期五17
希臘vs克羅地亞
心水：希臘細
心得：希臘好守得