【本報訊】曾蔭權09年施政報告提出活化工廈政策，本港工廈單位頓時由籮底橙變成搶手貨，租金指數至今年中升逾兩成，卻同時打殘一班本地藝術家。由80後音樂發燒友合租的表演場地HiddenAgenda(HA)是獨立樂隊勝地，曾接受CNN網站訪問，現受租金壓力及地政總署兩面夾擊，面臨第二次迫遷。
HA總監Kimi向本報表示，活化工廈政策導致觀塘區工廈租金狂升，HA去年1月由觀塘迫遷至牛頭角，月租由7600元暴升至1萬元，單位面積卻縮水四分三至4000平方呎，「隔籬好多Band房都係觀塘搬過嚟，以前一隊用一間，家要幾隊Band合租先負擔到。」
地政總署也因應活化政策加強執法，不斷向HA發警告信，嚇怕了業主。該署指HA違反土地用途，必須申請豁免。但Kimi指出，以HA的面積，申請費用達6位數！「工廈活化政策原意唔錯，但係執行上益晒地產商，起商場酒店先至有份『活化』。」
Kimi促請發展局向藝術家提供費用減免，並資助維修外牆及消防通道，「香港商業市場已經飽和，容不下文化藝術。工廈都搞成咁，將來西九會點？係咪又價高者得、畀商家玩晒？」