美國手袋品牌Coach今年踏入第七十個年頭，今個秋冬為粉絲們帶來新元素，除了繼續高貴大方外，用料也特別矜貴，如鱷魚皮或以珠片砌出豹紋圖案，顏色鮮艷，越來越年輕，示範的徐子珊直言由讀書時代已是Coach粉絲，大讚實用又輕巧。
人生七十古來稀，但對品牌來說面世七十年只是奠定經典，同時挑戰創新的時候，今年七十歲的美國品牌Coach，就是最佳註釋。Coach今個秋季加入不少令人眼前一亮的新穎元素，其中以仿羽絨質感的手袋最突出，觸感特別又輕巧，鮮紅艷紫選擇多。
間隔夠多
示範的徐子珊透露與Coach已經合作多年，早年她在美國讀書時已是粉絲，她早前接受訪問時說：「Coach係美國最大嘅brand，不過當時梗係買唔起啦，而且我不嬲好男仔頭，所以讀書時只係欣賞。入咗行之後，同Coach合作咗幾年，了解多咗呢個品牌，除咗靚之外仲好實用，我最鍾意佢間格夠多，完全唔需要再喺袋入面又分幾個細袋，好方便。」
靚皮出籠
近季animalprint大行其道，Coach今季用上鱷魚皮、鴕鳥皮、豹皮，metallic色及blingbling繼續大行其道，以珠片拼成的豹紋手袋，更是耀眼。徐子珊認為手袋是令totallook畫龍點睛的重要道具，其中她最愛clutch，她說：「最好有咁彩色得咁彩色，因為好多時晚裝都係黑色，如果有個鮮色clutch襯吓，成個人都立體好多。」
採訪：盧妹
攝影：林德雄
髮型：MaggieLawofKimRobinson
杏兒成用家
Coach的經典不但吸引太太們，其多樣化的用色及設計還令不少名媛淑女傾情，何超蓮、舒淇及胡杏兒早前曾入貨，奧斯卡影后姬妮芙柏露（GwynethPaltrow）也是Coach粉絲之一，品牌更邀請她擔任七十周年形象大使。
