洪天明同方力申最近返咗去內地拍戲，唔知天明係咪同女友周家蔚分開得太耐，搞到佢鬼咁掛住周家蔚，佢噚日喺沙灘開工時，就同小方一齊喺沙上畫咗個大心，認咗會同周家蔚結婚嘅天明仲作狀攞住束花跪地影相，又喺微博話要將個心送畀老婆周家蔚，仲乘機寸埋小方，取笑有份畫心兼影相嘅小方想送個心畀女友鄧麗欣㖭。