賣歌為生嘅神女已為人母，雖然係單親家庭但都生活得自娛自樂，雖然成日被人話佢行為有啲神化，好似半夜三更打電話搵朋友傾偈，講吓家樂壇嘅形勢。話就話神女後生都幾索吓，裙下之臣同狂蜂浪蝶都唔少，就連蝦人都曾經被佢迷倒。再講神女初出道嗰個形象都幾性感㗎，早期已經着背心仔低胸衫出嚟蒲，身材仲一啲都唔輸蝕。不過當年做過女助導嘅人同關仁講，佢個勢係整出嚟，話說有次神女趕住入廠錄影，但佢喺廁所遲遲唔出嚟，最後就搵呢個助導入去睇吓，一入去助導就見到神女不停咁將啲廁紙塞入個胸度，啊！原來佢係用呢個土法煉鋼嚟加強視覺效果。
撰文：關仁