汪明荃（阿姐）前晚缺席無綫邁向45周年台慶亮燈儀式，原來佢去咗澳門舉行演唱會，阿姐仲婦唱夫隨搵埋老公羅家英做嘉賓，嗰晚阿姐先後唱咗好多首名曲，好似《萬水千山總是情》同埋《勇敢的中國人》咁，阿姐仲同台下嘅觀眾嚟個近距離接觸，家英哥又成日走落台同啲觀眾握手，個個都聽到如癡如醉，有啲觀眾仲打埋拍子跟住唱㖭。